مشہور واقعہ ہے کہ ایک غریب گھر کی لڑکی تھی جو کہ خوبصورت تھی. ایک نیک
امیر گھرانے کے بچے نے اس کی طرف شادی کی آفر بھیجی...... شادی ہوگئی. ماں
باپ بھی خوش تھے کہ بچی کی شادی اچھی جگہ ہوگئی ہے. جب یہ گھر پہنچی تو
خاوند نے اس کے ساتھ بہت زیادہ محبت کا
اظہار کیا. یہ اس محبت کو دیکھ کر نخرے میں آگئی، خاوند جتنا زیادہ محبت کا
اظہار کرتا یہ اتنا اس کی طرف سے سرد مہری کا ثبوت دیتی. خاوند بہت زیادہ
اس کی دل جوئی کرتا، صبح شام اس کی رٹ لگی تھی کہ تم میرے گھر کی ملکہ ہو،
تم نے میرے گھر کو جنّت بنا دیا، میں تو سوچ بھی نہیں سکتا تھا کہ اتنی
اچھی خوبصورت بیوی مجھے مل جائے گی. یہ جتنا زیادہ اپنی تعریفیں سنتی اتنی
زیادہ نخرے میں آتی. خیر کچھ دن گزرے، ایک دن یہ روتی دھوتی اپنے گھر واپس
آگئی. خاوند اس کو میکے چھوڑ کر چلا گیا. ماں نے پوچھا، بیٹی کیا ہوا؟ کہنے
لگی کہ خاوند بہت زیادہ محبت کے موڈ میں تھا، مجھے پیار کر رہا تھا، چاہتا
تھا کہ میں اس کے ساتھ محبت کا اظہار کروں اور میں ایسے گم سم تھی کہ جیسے
مجھ پر کوئی اثر ہی نہیں ہورہا. بالآخر تنگ آکر اس نے مجھ سے پوچھا کہ میں
اس قدر تم سے محبت کرتا ہوں کیا تمھیں مجھ سے محبت ہے؟
No comments:
Post a Comment